:::
李文正議員市政總質詢---增加台灣母語è教育時數 議員
李文正議員市政總質詢---增加台灣母語è教育時數 議員
 |
日期： | 2011/6/22 | |
|
主旨： | 李文正議員市政總質詢---增加台灣母語è教育時數 | |
|
內容： |
增加台灣母語è教育時數 本席建議賴市長，國小ê台灣語教育tùi chit-má ê 1節增加kaù 3節，國中mä ài必修。 1996年國際筆會kap非政府組織t„西班牙巴塞隆納通過聯合國認可ê「語言權宣言」。聯合國教科文組tùi 2000年開始將每冬ê 2月21日訂做「世界母語日」，koh tī 2001年公布世界文化多樣性宣言，來提醒各國政府保護kap發展弱勢語言文化ê重要性。保護本土語言已經是chiâⁿ做世界潮流，˜-kú台灣koh停留tī獨尊華語ê教育政策，不利建設台灣多元文化ê特色。 目前小學kàu大學每禮拜華語、英語kap台灣母語ê課程節數比較，華語tùi 小學kaù大學，每禮拜總時數17-24節課。˜-kú台灣語文kan-taⁿ有國小每禮拜1節，國中bô列入必修ê科目，2 ê互相比較相差20倍，實在bô合理。 母語老師ê薪水比照2688每節320 khȯ 母語老師經費ê來源是tùi教育部ê 2688來ê，˜-kú有ê學校lóng ka-nä發hȱ母語老師每節260 khȯ nä-tiäⁿ che tùi辛苦ê母語老師實在bô公平，mä表示政府tùi母語ê bô重視。 根據góa ê了解大部分ê縣市lóng hȱ母語老師每節320 khȯ，˜-kú iah bë合併前台南市hȱ學校ê母語老師每節ka-nä 260 khȯ。母語ka-nä小學有nä-tiäⁿ，1禮拜只有一節，母語老師ê收入實在有限，mä ë 影響kà母語ê品質。 為tiõh beh hȱ母語ê khang-khòe ë-tàng順利t„台南推動，母語老師ê薪水一定ài比照2688每節320khȯ。 辦理台語認證tùi台南市做起 Góa建議台南市政府比照客語、原住民認證ê方式來辦理台語認證。 客家委員會每冬lóng有辦理國中、小客語認證，認證通過ê gín-á koh發1000 khȯ ê獎金，考試ê時陣thçh chit張證書koh ë-tàng加分，原住民mä是käng-khoán，咱mä chiâⁿ認同chit-khoán ê做法，ãn-ne ë-tàng提高學習母語ê意願，大家mä kha ê重視母語，提高母語ê能力。 -kú台語tiõh bô chit-ê福氣a，莫怪咱台語chit-má lú來lú bô受tiõh重視，góa建議台南市政府ë-tàng比照客語、原住民語先來做認證ê khang-khòe，ãn-ne台語chiah ë-tàng tit-tiõh kha好ê發展。 搶救母語 設立台語委員會 台語被聯合國教科文組織列做面臨死亡ê語言，為著beh搶救台語我認為台南市政府應該ài設立台語委員會。 目前中央政府有原住民委員會kap原住民電視台1冬ê經費35億，客家委員會kap客家電視台一冬ê經費70億，獨獨沒有台語電視台ham委員會，mä bô任何ê經費，實在真沒合理。 雖然講台語是台灣尚大ê族群，˜-kú政府獨尊中國話，soà hȱ台語ham客語、原住民語kāng-khoán，面臨消失ê危機，beh改善這ê問題尚好ê方法tiõh是對台南市chhoā頭做起，設立台語委員會。 地名、路名改用台語 台灣ê路牌，地名lóng用華語，造成ham原來ê意思有真大ê差別，應該ài用台語chiah tiõh。 東山區Ka-boa-soa(班芝樹)原來用華語吉貝要翻譯做Ji-pe-soa，che tiõh有真大ê差別。 用台語拼音koh有1-ê好處，親像公園路華語拼音Gong-yuan.rd 發音變做憨園路，nä台語拼音是kong-hg rd mä kha好聽，希望台南市政府ë-tàng先來做。 ㄅㄆㄇ注音改用羅馬拼音 ㄅㄆㄇ總共37 ê符號，小學一年á用了tiõh bô用a，羅馬字母26 ê，ë-tàng拼出世界所有ê語言，減少gín-á負擔koh ë-tàng國際化。 華語ê威妥瑪式拼音a是台語ê白話字lóng是歐美國家ê傳教師幫咱設計ê，符合國際音標，mä真好用，mä用幾nä百冬ê歷史a，簡單、好讀、好記、好學、好寫koh科學，咱應該aì減少使用歹讀、歹學、歹記、歹寫、歹認ê漢字(北京大學語言綱要。中國社會科學研究院語言所長呂淑湘mä主張ài改用羅馬字)，何況全世界kan-taⁿ-chhun台灣teh用ㄅㄆㄇ音標ê符號。 chit-má國民黨ham共產黨用ê拼音是käng-khoán-ê，bô hãh國際音標，mä不利台語ê發展，親像台語有b、g、ng ê濁音，m ê含唇音，華語tiõh bô、kä b、g ê濁音thçh去做清音是˜-tiõh ê，中國ê羅馬拼音是1957年定案ê，是俄羅斯幫in設計ê。 爭取低底盤公車，改善大眾運輸 台南市ê公車lóng是買人淘汰ê二手車，政府應該利用交通部補助地方大眾運輸低底盤公車3冬ê計畫，積極向中央爭取。góa ˜知是án-choáⁿ台南市政府chit-pái bô提出申請。 台南beh發展捷運有先天上ê困難，˜-kú咱nä有kha高品質ê公車，對改善大台南ê大眾運輸是有幫助ê。 Góa mä反對買水路2用ê水鴨車kap電動公車，因為chit-khoán車保養維修lóng真bô方便，算起來顛倒貴mä bô環保。 億載國小吳校長退休應妥善處理 2000年億載國小創校以來有真好ê表現，吳文賢校長mä受tih地方民意ê肯定，家長lóng希望吳校長ë-tàng tiàm億載國小來退休，希望市長ë-tàng妥善處理。 今年大台南總共有22 ê校長beh退休，bô升遷ê問題，教育法第9條雖然kóng 1冬內退休ë-tàng延長(吳校長chhun 1冬2個月) ˜-kú教育部ê公文kóng依地方政府ê權責處理。 吳校長願意切結1冬內退休，koh有雲林縣ê案例，一來符合民意kap多數家長ê期待，二來吳校長mä ë-tàng t„ i ê任內kä 1-kóa全國性ê活動來完成。 赤崁樓石龜ê 解說ài重做 赤崁樓石龜ê介紹lóng是teh kóng清朝án-chóaⁿ平亂台灣，實在是顛倒是非亂kóng 1場，請文化局趕緊改掉。 400冬來台灣一直受tiõh外來政權ê統治，歷史mā kù-chài人teh解說，今-á-日台灣已經有某種程度ê民主a，咱應該ài還原歷史ê真相，用台灣人做主體來寫歷史，清朝是外來政權，剝削台灣人kā台灣人當做奴隸，台灣人kā péng是tú-á好nā-tiäⁿ。 赤崁樓chìt-má有真chë中國ê觀光客來參觀，咱ê歷史nā án-ne寫tú好中tiõh中國ê統戰，hȱ中國人kā咱偷笑。 澎湖籍ê市民ài比照高雄補助3成ê機票 台南是除了高雄以外tòa siöng-chë澎湖人ê城市，請賴市長ë-tàng比照高雄市政府，補助3成ê機票。 台南kàu澎湖海上ê交通因為成本高，bë thàn錢，bô人beh經營，真chë澎湖ê鄉親nā beh tńg去澎湖tiõh ài坐poe-leng-ki，因為票價koân，負擔重，咱nā是ë-tàng比照高雄市補助3成ê機票mä ë-tàng促進台南ham澎湖ê關係帶動經濟ê發展。 Khí抽水站˜是頭路 台南抽水站有灣裡、喜樹á、鯤鯓、安平、民權路C3、媽祖宮á、成功、beh koh khí文賢解決淹水，khí抽水站是頭疼醫頭，腳疼醫腳，˜是根本解決ê做法。 台南市是1-ê海邊ê城市，雖然有ê舊部落地勢kha kë，排水大部分˜a bô問題，˜-kú政府一直teh khí抽水站是˜-tiõh ê，根本解決ê方法應該是疏浚，造排水箱涵連接外海chiah tih。 Góa mä反對人工湖ê做法，台南並bô地層下陷ê問題，自然是siōng好ê建設。 全力掃除地下錢莊 台灣政府偏向財團，好giãp sàn lú giú lú大，自殺ê案件不斷teh發生，政府是˜是有深入了解，到底外chë人去hȱ地下錢莊逼死? 放重利、暴力討siàu危害社會真大，政府應該重視，全力掃除，chìah bë hȱ自殺ê案件一直teh發生。 |
|
| 回上頁 | |||
